Dä sächsti Wisliger Maskeball isch leider scho wieder Gschicht. Aber er hät gfägt und klingt bi allne na lang naa…
Mir danked allne Hälferinne und Hälfer für ihre tolle Iisatz, allne Nachbere für ihres Verständnis, allne Sponsore für ihri Unterstützig, allne Firmene, wo öis Parkplätz, Material, Verpflägig usw. zur Verfüegig gstellt händ, am Chuchiteam um dä Sandro vom Rest. Post in Theilig, dä Gmeind Wislig und ganz speziell am beschte Huuswart vo dä Wält (Danke, Toni!).
Ganz bsunders danked mir öi allne, wo a öise Maskeball cho sind – seigs verchleidet als Einzel-, Paar- oder Gruppemaske – mit und ohni Vehikel, Gummiboot, Bob oder andere veruckte und originelle Sache.
Und äs härzlichs Dankeschön a d’Guggemusiker vo dä Chrottepösche, Ziegelhöttler, Füdlichnübler und Spectaculus und am DJ Willi, wo so fätzig iigheizt händ mit ihrere Musig.
Danke villmal – und bis zum nächschte Jahr am 20. Januar!
Und d Fotene sind au online
